abo+ | Per studënc y fanc | Südtirol Mobil

Tarifa	Sculeies dla scoles elementeres, mesanes y autes y che frecuentea la scola prufesciunela o fej na furmazion de basa tl ciamp soziel y a tëmp plën	Studënc universiteres, lerneri che frecuentea la scola prufesciunela, chi che fej na scola da sëira o na furmazion de basa pra l lëur tl ciamp soziel
Dumanda abunamënt nuef	debant	150,00
Duplicat	50,00	20,00

L abo+ ie na cherta de viac persunela cun chëla che studëntes y studënc possa se nuzé per n ann de duc i mesuns publics dl sistem de trasport ntegrà provinziel.

Chi à pa l dërt de l giapé?

Se damandé l abo+ possa chi che ai 31 de dezëmber dl ann dla presentazion dla dumanda ne à mo nia cumplì l 26ejim ann de vita y che:

ie residënc tl Südtirol y frecuentea na scola o dejëuj ativiteies de stude tla provinzia o ora dla provinzia;
ne ie nia residënc tla provinzia de Bulsan, ma che frecuentea na scola o dejëuj n’atività de stude tla provinzia;
fej na furmazion de basa pra l lëur tl ciamp soziel.

Sun ce mesuns possen pa furné?

L abo+ possa unì nuzà:

sun duc i mesuns dl sistem de trasport ntegrà tl Südtirol,
sun duc i mesuns publics dla curiera dla posta svizera sul la trassa danter Mals y l cunfin dl stat.

Stlutes ora ie:

la ferates a trassa longia (sciche Intercity, Eurocity, Euronight, Eurostar)
la ferates sun la trassa Prëner-Dispruch.

Co l nuzen pa?

Tecnologia contactless - ublianza de cunvalidazion

A pië via dai 14 de fauré 2012 saral debujën de cunvalidé l abo+ uni iede che n zapa sun n mesun de trasport publich (Check In). L Check Out ne ie nia debujën.
N.B.: Canche n scumëncia n viac cun la ferata muessa l abo+ mé unì cunvalidà (Check In) pra la stazion ulache n peia via; sce n muda l mesun da ferata a ferata ne iel nia debujën de fé mo n iede n Check In.

Tl cajo de n cuntrol sun i mesuns de trasport publich muessa l abo+ unì mustrà ca adum cun n documënt de recunescimënt che vel. Stluc ora da chësta despusizion ie mé la sculées y i sculeies che ne à mo nia cumplì 14 ani. Per ëi iel assé mustré la tessera abo+.
Sce l abo+ ne possa nia unì mustrà ca (sce l ie unit perdù o desmincià y nsci inant) muessen cumpré na cherta de viac che vel.
L'adurvanza faleda dl abo+ da pert de n passajier cumporta che l contrulëur o l sciafer dla curiera ti l tole. L ufize provinziel cumpetënt stabilësc per tan giut che l abo+ ti vën tëut, a uni moda va l tëmp da almanco n mëns a al plu n ann. Te chësc tëmp ne possel unì dumanda no n abo+ no n duplicat.

Tan giut velel pa?

L abo+ vel a pië via dai prim de setëmber nchin ai 15 de setëmber dl ann do.

Tant costel pa?

Per chi che frecuentea la scola elementera, mesana o auta y per chi che fej la scola prufesciunela o na furmazion de basa tl ciamp soziel a tëmp plën ie l abo+ debant.
Per chi che va al'università, per lerneri che fej la scola prufescionela, per chi che frecuentea la scola da sëira y per chi che fej na furmazion de basa pra l lëur tl ciamp soziel (operadëures sozio-saniteres, operadëures sozio-assistenzieles, istitutëures, assistëntes ala nfanzia, oma dl di) costa l abo+ 150,00 euro.

L cost per giapé n duplicat monta a 50 euro per i duplicac di abo+ dac ora debant, 20 euro per i duplicac di abo+ che costa 150,00 euro, per curì la spëises aministratives.

Co se l damandé

Sculées y sculeies che fej la scola elementera, mesana, auta (vel nce per la scola da sëira) o prufescionela y per chi che fej na furmazion de basa tl ciamp soziel a tëmp plën tla provinza de Bulsan manda la dumanda ala scola de purtenienza, ulache i giapa nce l formuler per la dumanda.
Sculées y sculeies cun residënza tla provinzia de Bulsan che va a scola ora dla provinzia, studëntes y studënc universiteres y d’autri che nen à la rejon dëssa damandé do pra la purteles de venduda autorisedes.

La dumanda muessa unì mandeda ite dal prim de merz nchin ai 31 de dezëmber de uni ann.

Per i formuleres cëla: Scola-Pass (per la scles).